كان نفسه يلبس طاقية
(1)
من تلاتين سنه قولنا العدل هيوصل
وتنزرع ارضنا ويعود اللى فى الموصل
وكان اللى راحل عنك يابلد موجوع
فية اللى مات من الغربه وفيه اللى مات من الجوع
وفية اللى امن بقدر ربنا وسلم للدموع
وفية اللى بكى وعافر لجل الرجوع
واللى كان يرجع يابلد يقبل ترابك اول مايوصل
(2)
كنت طفل صغير وموعاشى
فى وسط الحارة بلعب مع الصغار ماشى
لكن كان الغريب فينا زمان
مفيش حد بينا يكون طبعه جبان
لا نخون الامانه ولا ابدا منا من خان
وكانت حريمنا تزغرد وتقول يامجدع الفرسان
راحت فين الرجوله النهارده .... متدراشى
(3)
زعلوا الكبار منى لما قولت الحكم ظالم
وقاولى قول واحكى ماهيصدق نفر فى العالم
كان قلبى نفسة يلبس طاقية خفى
علشان يهرب من برد الشتى للدفى
ويسمع غنا الربابا وع الاثر يقتفى
حرام عليكم ذل فينا وكفى
مين فينا امن من شروركم ومين سالم
(3)
ياللى بنيتوا دوركم دور واتنين
نفسى مرة تشوفوا نومت الغلبانين
نفسى تطلعوا برة البدل مرة
نفسى تدوقوا زينا العيشة المرة
هيبقى ايه حالكوا لو صحيتوا ملقيتوش رغيف او نقطة ميه فى جرة
نفسى اشوف صورتكم وانتم مالعطش لسانكم برة
مواصلتكم ليه سهله ولية مزحوم ياقطر الغالبانين
(4)
ياللى حكمت فينا كام مرة حلفت اليمين
كام مرة قولت محدود وحكيت عن الفلاحين
كان كلامك حلو لما اتكلمت عن الغلابه
بس الفعل كان لمين ... كان للديابه
ارحمنا يارب بقى من دى العصابه
يارب اجعلى بدل السبابة مليون سبابه
علشان اضرب عيارى وارجع الملايين
(5)
فى ساعة عصارى كنت قاعد وسط الغيط
مفيش وظايف واتخنقت من قعدة البيت
وسمعت الخطاب اللى فات وقالوا هنوظف
وجابولنا نظيف حتى عاللى معانا نظف
وقالوا خصخصه والخصخصه المع وانضف
وخصخصونا اسم وبقينا منهم كما الصينى وانضف
خلونى اقول ياريتنى ماكنت من بطنك يا امى ماجيت
(6)
قال هحميها وطلع حاميها حراميها
لا راعى ضميرة ولا افتكر انه اتولد فيها
وفى كرشه بدأ يعبى ويجمع
وعيون اليتامى من الجوع بتدمع
والضرب فى اللى واقف ضده من كلابه بيوجع
واللى بيسرق زيه عملوة فارس ومجدع
واللى انطحنت من الفقر خاللى الغريب يديها
(7)
قالو هنبنى وهنعالى وبصراحه عاللوا
وعقولنا من افعالهم عطلوا واتشلوا
عالوا فى ضغطنا وسقونا مرار طافح
لا عاد فى نفس تتكلم ولا عزيمه تكافح
واللى يشد الهمه شويه.. يتجبر ولا يسامح
واعذرونى فى كلامى عقلى خلاص صبح ماسح
وبكرة يقولوا عليا مجنون ... هلوا على المجنون هلوا
(8)
مراسم زواج ومصاريف بالملايين
والغلبان ياعينى دموعه ماليه العين
طب فيها ايه لو اتبرعت بيهم للفقير
بتنام على ريش نعام وهو جلبابه سرير
طب ليه مشغل فى قصرك مليون غفير
وسايب مريضنا للتعب يفضل اسير
فكر مين اللى علاك ؟... قوللى مين
(9)
مش عارف ليه شايف الغباء فى الحكام وراثه
حتى اللى عايز يجيبه غبى زيه ... ماهى وراثه
عمّال بيضحك عالشباب اللى متعلق فى الامل بقشايه
وعامل افكاره ليه سجاده ومشايه
كلامك حلوا ... بس الكلام مش كفايه
فين الفعل ولاانت ايه .. وايه الحكايه
كفايه عليك كده .. ارحمنا من دى الغلاسه
Download: www.ieType.com/e.php?EIgKLi
Download: www.ieType.com/e.php?EIgKLi
كلامها جمـيل جـدا بجــد
ردحذفتسلـــــم ايــــدك يــا هـويـس