مرشح للرئاسه
شمس الحرية ياناس بتبان
وماليوم ده خلاص عازمين
على اننا للخير ماشيين
بس ياخلق
مين الريس مين
الصوت سكت
ومعنتش سامع حس
كانى لوحدى
والعالم هس
رجع الحاكم من تانى وقال
مع صوت الصمت دهوت
الحرية محال
ركنت فى جنب لوحدى
وقلت اسمع ايه هيقول
قال الحاكم
المنصب مفتوح
واللى يحب الشعب
الشعب يفدية بالروح
واللى عايز يبقى ريس
يبقى
بس نصيحه
الريس مش بالمتاريس
ولا بالعسكر والحراسات
ولا بالبدل والكارافتات
ولا حتى بفيلا فى شرم الشيخ
وكمان مش بيته فى حى قديم
عايزينه طيب
مش غدار ولئيم
قرب ياصاحب العقل
والفكر
والمبدأ
قدم نفسك
ومعاك الحرية هتبدأ
وصدقنى وراك عالصناديق رايحين
مش شرط انى اصوتلك
ولا اصوت لفلان
المبدأ عندى
ان الحرية تبان
واظهر والدنيا تشوفنى
واقول انى خلاص فى امان
قالو دستور الاول
قالو انتتخابات
ياعالم
ارحمونا
ولا نترحم عاللى فات
وفى وسط الزحمه
سمعت انا كلمة مرشح للرئاسه
قلبى اتخض
وقولت انتكاسه
بس رجعت فرحت لما لاقيت
مصر بحالها
جاية تنادى
ومعاها انا جيت
قولت انا هسمع كل مرشح
واللى جاى بالتفصيل
من مرشح مصرى اصيل
مرشح رقم واحد
انا فلان الفلانى
عارفينى من صوتى ولسانى
مش هقول انا هبنى واعلى
ولا هرسم خطة للمستقبل
بس هقول لازم
كلة بوضعه يقبل
انا راح ابنى مدارس
واعلم جيل معنى الحريه
وهقول للعالم
ثوراتكم نسخه
فيها اخطاء
عايزين الصح
ارجعوا للثورة المصرية
هى النسخه الاصليه
الدعم هيوصل للغلبان
والعلاج فورى وبالمجان
بس محتاج صوتكم
علشان اوصل ليكم
انا منكم ليكم
تانى مرشح
بعد تحية وبعد سلام
وصلاه وسلام
على مسك الختام
انا هحكم فيكوا بشرع الله
مهخليش انسان يقول الأه
مفيش قصير ولا فى ضيق
ولا فى مظلوم هيبات تعبان
ولا فاسد بينا يكون له مكان
كله واحد
الوزير زى الغفير
رجل الاعمال زى بياع الرمان
ليست هناك تعليقات:
إرسال تعليق