عايز تعمل شو

عايز تعمل شو

عايز تعمل شو
عايز تتشاف يا جو
اقولك تعمل ايه
ومتقوليش ليه

قول ورايا
انا جاى احمى الثورة والثوار
انا اللى حميت البلد
وعملت جسدى
سد من نار
انا اللى شلت فى الميدان العلم
وانا اللى من زمان دوقت الالم

بالزمه
من نفسك مش مكسوف
عارفك مانت وشك مالوف
ياما شوفتك فى الحزب الواطى كتير
عمّال بتقول
القوميه العربيه
اسكان الشباب
خليتوا عشيتنا هباب
30 سنه
كانو سنين سوده
جاى دلوقتى تركب الموجه
مش بقولك
عايز تعمل شو
اعقل
اهمد ياعم جوووووووووووووووو