امى
يامايا ياكل الوجود فيا
انتى الهنا
انتى الضى فى عنيا
من مهدى لحد الصبا
ومن الصبا لحد الشيبه
انتى بعد ربى المعين ليا
وفى كبرى عايش يا امى
على كل دعواتك ليا
وانا طفل صغير
كنت المح طيفك
ونفسى اقولك بحبك
بقولها بس ببسمتى لما اشوفك
كان نفسى اطير فى ضعفى
واسكن فى حضنك
كان نفسى يومها اكبر
علشان بشوق اضمك
ولما تعلمت الكلام
اول كلامى كان " ماما"
وفرحتى بيا كتير
وياما دمعك نزل فى تعبى ياما
انساكى يا اغلى مافى الوجود ازاى
لو انساكى
يبقى على الدنيا السلامه
والله يا امى مهما اكتب
مهما اقول
مهما اسافر
مهما اعبى من الهدايا واجيب
مهما صوتى يعلى باسمك
ويملانى النحيب
مش هقدر اوفى لحظه فى حضنك
مش هقدر ادفع حق رشفه حنان
من صدرك
عارفه يا امى
انتى بالنسبالى ايه
انتى الحياه
العمر اللى عشت بيه وفيه
انتى الامل فى بكرة وبعده
انتى امبارح والنهاردة
انتى اللى جاى بكرة
واللى بدعوتك ليا بيه
لازم ارضى
انتى فى مزكرتى كتابى
انتى راحتى من بعد عذابى
بحلم يا امى والحلم بايدى
احقق يا امى بدعوتك وعيدى
فاكر يا امى
يوم ماجيتى من كعبة ربنا
ولما سيبتى الكل وجريتى
وحضنتى فيا انا
عارفه لما قولتى وحشتنى
ولما سافرت
لما دمعك نزل فى كلامك ليا
لما سالتى
ليه سبتنى
ياااااااااه يا امى
كل ماحس قلقك وخوفك عليا
كل ماحضن صورتك
او افتكر زكرى سبتيها ليا
لا كل الكلام هيكفى
ولا كل الورق هيكفى
والله لو اجيب كنوز الدنيا
عمرى لحقك ماهقدر اوفى
ليست هناك تعليقات:
إرسال تعليق