انفجار شعب
وفتحت شباكى للهوا
قولت اتنفس من الصباح المندى
طليت عالارض من فوق
صوت اللى فى الشارع واصل لعندى
ايه اللى حاصل ياوطن
همّا دول ويايا
ولا كل الناس دى ضدى
نزلت اجرى على الشارع
الكل بيصرخ
عايزين حريه
عايزين الامان
عايزين عداله
الشعب بيصرخ
همّا دول كتير عليا
فضلنا ننده ونقول يامصر
قالوا علينا بلطجيه
قالوا علينا شوية عيال
وفكرة نجاحنا
ابدا محال
قالوا علينا شباب ضايع
اللى فاشل فى الدراسه
واللى صاقت
واللى سيس
واللى صايع
جينا والعسكر ضربنا
وقفنا جبال
لاتهزينا ولا هربنا
وقعوا مننا كام واحد
200
300
اهم برضه فدا بلدنا
نزلنا الحرب كتير
ضحينا بولادنا
تفتكروا من النهارده
شباكى هيتقفل
تفتكروا هسكت عاللى حصل
كنت الاول من العسكر بخاف
لانى شوفت منهم
اللى عمر ماحد شاف
ولو هوصف عذابهم فينا
جهنم كاملة الاوصاف
قولتوا الشباب امل البلد
قولتوا انتوا البنايه
وهما الاساس والعمد
هما خيرها ونبتها الطارح جناين
وانتوا بتهدوهم
اللى عالقهاوى
واللى فى السيابر
واللى من القهر نايم عالسرير
مستغربين ليه
انهم يباتوا عالارض فى التحرير
مستغربين اننا عايزين نغير فى البلد
مش احنا برضه ولاد البلد
لو مخوفناش على بلدنا
منبقاش ولاد اصول
قولنا لازم نبقى حاجه
مش عايزين فلوس
مش عايزين قصور
عايزين بلدنا تبقى شمعه
بلد نضيفه من الفساد
اغلى اسم واحلى سمعه
قولتوا عنى ارهابى
وتلذذتوا فى ضربى وعذابى
لما قولت فى يوم مركبة تفصيل
فصل يابنى المركب للحاشيه والديل
ليست هناك تعليقات:
إرسال تعليق