ايه المانع انى اكتب فى حبك يابلد

ايه المانع انى اكتب فى حب البلد
مش انا برضه البنيه والسند
مش انا ابنها
وانا اللى قالت مصر عنى
انا الولد
انا اللى غيرت سنين عجاف
انا اللى امنت اللى خاف
انا قولت ارحل
مش برضه انا اللى قولت اغير
ايه المانع انى اقول بحبك يامصر
اعلى صوتى فى كل نصر
اهتف وانادى
وارفع بلادى
عيش ملك
مش لازم فى قصر
انا راضى بحياتى طول منا حر
وكفايه زمان ياما شوفت مر
طعم المرار فى القلب طافح
وطعم الذل برضه طافح
كفياكم مرار وبزياده
هوا احنا ايه
ايووة كنا زمان الرياده
كنا العمد للبلد
كنا السند
فى الحرب كان ابويا اسد
صوت مدفعه يهز الجسد
ايه المانع انى اكتب واقول
واغنى فى شعرك يا ام الاصول
ايه المانع يامصر انى اغنى
منا ابنك
وانتى حته منى
يامصر لو فضلت العمر اكتب
والله ماهوفى حقك عندى